Aallaqqaasiut

Saqqummersitami matumani siunertaavoq Kalaallit Nunaata nunanut allanut niuernera pillugu naatsumik ersarissumillu takutitassiinissaq. Nunanut allanut niuerneq pillugu kisitsisitigut paasissutissat itinerusumik Kalaallit Nunaata nunanik allanik nioqqutissatigut niueqateqarneranik allaaserinninneruvoq. Kisitsisitigut paasissutissat, saqqummersitsinermut tunngaviusut, nunani tamalaani najoqqutarineqartut malillugit suliaavoq, kapitali 5-mi Nioqqutissat immikkoortiterneri malillugit.

 

Saqqummersitami kisitsisit 200-imut 2011-mullu tunngasut kisitsisit inaarutaasuupput, kisitsillu 2012-imiit 2014-imut tunngasut kisitsisaagallarlutik. Nalit tamarmik akit ingerlaavartut malillugit saqqummiunneqarput. Taaguutit nassuiaatillu pillugit paasissutissat annertunerusut pisariaqartitat pillugit kapitalini 4, 5 aamma 6-imi atuarneqarsinnaapput.